Lıssabonda ótken halyqaralyq festıvalde D. Ómirbaevtyń «Stýdent» fılmi arnaıy júlde ıelendi
ALMATY. 22 qarasha. QazAqparat - Portýgalııanyń Lıssabon qalasynda 9-18 qarasha kúnderi "Lisbon & Estoril Film Festival» halyqaralyq kınofestıvali ótti.
Óner básekesine qatysqan Dárijan Ómirbaevtyń «Stýdent» fılmi qazylardyń arnaıy júldesin ıelendi.
«Aǵymdaǵy jyly jaryq kórgen «Stýdent» dramalyq fılmi F. Dostoevskııdiń «Qylyms pen jaza» romanynyń jelisi boıynsha bıyl túsirilgen bolatyn. Fılm stsenarııiniń avtory da D. Ómirbaev. Onda basty keıipkerlerdi Nurlan Baıtasov, Maııa Serikbaeva, Edige Bolyspaev, Baqytjan Turdálıev, Arýjan Saın, Amengeldi Aıtaly, Ásel Saǵatova pen Dárijan Ómirbaevtyń ózi somdaıdy. Uzaqtyǵy 90 mınýt bolatyn týyndynyń operatory Borıı Troshev, kompozıtory Baýyrjan Qýanyshev, dybys rejısseri Ilıa Bıserov.
