Lıssabonda fýnıkýler relsten shyǵyp ketip, keminde 15 adam qaza boldy

ASTANA. KAZINFORM – Lıssabondaǵy týrıster arasynda tanymal «Glorııa» fýnıkýleri relsten shyǵyp ketti, dep habarlaıdy  BBC.

CNN Portugal málimetteri boıynsha, Lıssabonda fýnıkýlerdiń relsten shyǵyp ketýine baılanysty 15 adam mert bolyp, 9-y jaraqat aldy.

Portýgalııalyq SIC Noticias basylymy apattyń jergilikti ýaqyt boıynsha saǵat 18:05-te bolǵanyn habarlady.

Kýágerler basylym tilshilerine fýnıkýlerdiń jolynan jańylysyp, ǵımaratqa qatty soǵylǵanyn jetkizdi.

Observador basylymy órt sóndirýshilerge silteme jasaı otyryp, apatqa fýnıkýlerdiń úzilip ketken trosy sebep bolǵanyn jazdy.

Qurylǵyǵa sońǵy ret tekserý 2024 jyldyń qyrkúıeginde júrgizilgen.

Osyǵan deıin Frantsııada jarylǵysh zat shyǵaratyn zaýytta apat bolyp, 8 adam jaraqat alǵany týraly jazdyq.