Lısakovta kámeletke tolmaǵan balany zorlady degen kúdikke ilingen er adam ustaldy

ASTANA. KAZINFORM – Polıtseıler kámeletke tolmaǵan balaǵa ceksýaldyq sıpattaǵy áreket jasady degen kúdikke ilingen er adamdy anyqtap, Lısakovtyń ýaqytsha ustaý ızolıatoryna qamaldy.

Qostanaı oblystyq Polıtsııa departamentiniń habarlaýynsha, on alty jasqa tolmaǵan adamǵa qatysty seksýaldyq sıpattaǵy áreketter jasaý faktisi boıynsha sotqa deıingi tergeý amaldary júrgizilip jatyr.

Kúdikti ustalyp, sot qamaýǵa alý túrindegi bultartpaý sharasyna sanktsııa berdi.

Áleýmettik jelide er adamnyń memlekettik qurylymǵa qatysy bar degen aqparat tarap jatyr, alaıda polıtsııada onyń jeke uıym qyzmetkeri ekenin atap ótti.

Tergeý múddesi úshin basqa málimet jarııalanbaıdy.

Buǵan deıin Qazaqstanda pedofılııa boıynsha 25 adamnyń sottalǵany belgili bolǵan.

Buǵan deıin Qazaqstanda kámeletke tolmaǵandarǵa jynystyq zorlyq jasaǵan 25 adam ómir boıyna sottalǵany týraly jazǵan bolatynbyz.