Lısakovskide para alǵany úshin arnaıy kúzet qyzmetkeri quryqtaldy
QOSTANAI OBLYSY. 23 aqpan. QazAqparat /Petr Plahotnıkov/ - Seısenbi kúni sot Qostanaı oblysynyń QR ІІM Mamandandyrylǵan kúzet qyzmeti basqarmasynyń polıtsııa rotasynyń bólimshe komandıri Qazybaı Shaekenovty quryqtaýǵa sanktsııa berdi.
Oblystyq Ekonomıkalyq jáne jemqorlyq qylmystarǵa qarsy kúres departamentiniń baspasóz hatshysy Gúlmıra Jumaqova habarlaǵandaı, komandır óz qol astyndaǵy qyzmetkerden 25 myń teńge para alǵan. Kúdikti azamat qylmys jasaý kezinde quryqtaldy.
Zardap shekken azamat tergeýshilerge aıtqandaı, ol komandırge aqshany «qyzmette jalpy qamqorlyq kórsetkeni» úshin bergen.
Shaekenovke qatysty bopsalaý arqyly para alý boıynsha qylmystyq is qozǵaldy. G.Jumaqova atap ótkendeı, «Іske qatysty ózge aqparat tergeý múddesine baılanysty ázirshe berilmeıdi».
