Lısakov turǵyny balkonnan sekirip ketti
QOSTANAI. QazAqparat - Lısakov qalasynyń 32 jastaǵy turǵyny úshinshi qabattan sekirip ketti, dep habarlaıdy QazAqparat.
Aqparatty oblystyq polıtsııa departamentiniń baspasóz hatshysy Irına Bejenar rastady.
«Keshe kúndizgi saǵat 12:00-de Lısakov qalasynyń polıtsııa basqarmasyna jergilikti turǵynynan habar kelip tústi. Áıel adam psıhıatrdyń baqylaýyna alynǵan balasynyń 3 qabattaǵy balkonynan sekirip ketkenin aıtqan», - dedi Irına Bejenar.
Jedel-járdem qyzmeti balkonnan sekirip ketken 32 jastaǵy er adamdy aýrýhanaǵa jetkizdi.
Qazirgi ýaqytta oqıǵaǵa qatysty tergeý amaldary júrgizilip jatyr.
