Lısakov qalasynda «Báıterektiń» kóshirmesi boı kóterdi

QOSTANAI. QazAqparat -  Lısakov qalasynda «Astana-Báıterek» monýmentiniń kóshirmesi boı kóterdi, dep habarlaıdy QazAqparat.

Atalǵan metall qurylymnyń bıiktigi - 15 metr. Monýment tóbesinde ornatylǵan shar qarańǵyda jan-jaǵyna jaryq berip turady. Lısakov qalasy ákimdigi ókilderiniń habarlaýynsha,  bul nysandy turǵyzý ıdeıasy jergilikti bıznes ókilderine tıesili jáne ol elordanyń 20 jyldyǵyna arnalyp otyr.

«Jańa monýment qaladaǵy «Halyq banki» fılıalynyń mańyna ornatyldy. Joba «Rýhanı jańǵyrý» baǵdarlamasymen qolǵa alyndy. Nysan nobaıyn «EkslıýzıvStroı» JShS daıyndady. Al monýmenttiń ózin jergilikti «SpetsStalKonstrýktsııa» JShS jasady.  Oǵan 5 aı ýaqyt ketti», - dep málimdedi Lısakov qalasy ákimdiginiń baspasóz qyzmetindegiler.

Aıta keteıik, bul nysan qurylysyn jergilikti kásipkerder qarjylandyrdy.