Lısakov qalasynda áıel kópirden sekirip ketti
QOSTANAI. QazAqparat - Lısakov qalasynyń ortalyq kópirinen 34 jastaǵy kelinshek sekirip ketti, dep habarlaıdy QazAqparat tilshisi. Bul aqparatty oblystyq ІІD-niń baspasóz qyzmeti rastady.
«Lısakov qalalyq ІІB-niń kezekshi bólimine bir áıeldiń ózine qol jumsamaq bolǵany týraly aqparat tústi. Jedel járdem qyzmeti kópirden sekirip ketken turǵynǵa alǵashqy kómek kórsetip, qutqaryp qaldy. Qazir 34 jastaǵy kelinshek qalalyq aýrýhanada jatyr. Jaǵdaıy birqalypty», - dep málimdedi ІІD baspasóz qyzmetindegiler.
Atalǵan fakt boıynsha QR QK-niń «Sýıtsıdke ıtermeleý» babymen sotqa deıingi tergeý sharalary bastaldy.
