Lıposaktsııadan kóz jumǵan áıel: sot protsesi ýaqytsha toqtady
ALMATY. QazAqparat - Almaly aýdandyq sotynyń sýdıasy Bolatbek Zagıev lıposaktsııadan kóz jumǵan Dana Agamuradovanyń ólimi boıynsha isti apellıatsııalyq ınstantsııaǵa jiberdi, dep habarlaıdy QazAqparat tilshisi.
Munyń aldynda sot advokat Zınur Bektenovtyń isti doǵarý týraly ótinishin qanaǵattandyrmaı qoıǵan edi. Osyǵan baılanysty advokat jeke shaǵym túsirdi.
«Bas sot talqylaýynda bultartpaý sharasy boıynsha qaýly shyǵady. Biz birshama ýaqytqa úzilis alamyz. Іs Almaty qalalyq sotynyń apellıatsııalyq kollegııasyna baǵyttalady»,- dedi sýdıa.
Esterińizge sala keteıik, Ýkraına azamatshasy Dana Agamuradova Almatyda ish maıyn alǵyzý úshin lıposaktsııa jasatpaq bolyp, jekemenshik emhanalardyń birinde ota jasatqan.
Otadan soń 6 saǵat ótkende Dana esin jımastan kóz jumǵan. Dárigerlerdiń aıtýynsha, patsıent maı túıirshikteriniń ókpe tamyrlaryn bitep qalýynan kóz jumǵan. Otany jasaǵan plastıkalyq hırýrg Dmıtrıı Pısarev qazir sot aldynda jaýap berip jatyr.
Dál osy hırýrgtyń qolynan bıyl qarashada taǵy bir áıel kóz jumǵan.
30 jastaǵy Laýra Іzbasarova plastıkalyq ota jasatyp, omyraýyn tarttyrmaq bolǵan. Bul qylmystyq oqıǵany da polıtsııa tekserýge aldy.
Osy aptada 44 jastaǵy áıeldiń plastıkalyq otadan keıin qaıtys bolǵany belgili boldy. Áıelge otany «Moskva deLux» emhanasynyń hırýrgy Roman Alferov jasaǵan.
