Lıpetskide Qazaqstan týmasy Ǵalamtor arqyly balasyn páterge aýystyrmaq boldy
ASTANA. QazAqparat - Reseıdiń Lıpetsk qalasynda úsh jasar ul balanyń satylýy týraly isti tergeý amaldary aıaqtaldy. Qylmysqa Qazaqstan týmasy bolyp tabylatyn balanyń ákesi aıyptalyp otyr.
Er adam Ǵalamtorda jarııalap, keıin, satyp alýshymen sóılesip, ulyn 1,5 mıllıon rýblge satatynyn aıtty, dep jazady RG.
Alaıda kelisim quqyq qorǵaý organdarynyń baqylaýymen júrgizilip, pysyq er adam ustaldy. Onyń qolynda balanyń týǵan anasynyń qaıtys bolýy týraly kýálik bolǵan, alaıda keıinnen bul qujattyń jalǵan ekeni, al áıeldiń Qazaqstanda júrgeni anyqtaldy.
«Balasynyń satylý-satyp alyný isin jeńildetý úshin aıyptalýshy azamattyq nekedegi áıelimen birge jalǵan qujattar jasatty. Suraý kezinde aıyptalýshy izgi nıette áreket etkenin aıytty - ol týǵan anasy tastap ketip, Qazaqstanǵa ketip qalǵandyqtan, balasyn jaqsy otbasyna bergisi kelgen. Satýdan túsken aqshaǵa turǵyn jaǵdaıyn jaqsartýdy josparlaǵan eken», - dep baıandady Reseıdiń Lıpetsk oblysy boıynsha TK TB-niń asa mańyzdy ister jónindegi tergeýshisi Roman Bocharov.
Aımaq boıynsha TK-dan aıyptalýshynyń óz kinásin tolyq moıyndaǵanyn qosyp ótti. Endi is sotqa jiberildi. Alaıda er adamnyń jalǵan qujattardy daıyndaýǵa qatysqan azamattyq nekedegi áıeli sottalmaıdy. Oǵan qatysty qozǵalǵan qylmystyq is toqtatyldy: áıel jasaǵan isine ókinish bildirdi, oǵan qosa, onyń kishkentaı balasy bar.
