Lıonel Messısiz oınaǵan argentınalyqtar Bolıvııadan jeńilis tapty
ASTANA. QazAqparat - Argentınanyń fýtboldan qurama komandasy Reseıde ótetin 2018 jylǵy álem chempıonatyna irikteý matchynda bolıvııalyq qarsylastarynan jeńilis tapty, dep habarlaıdy QazAqparat «Lenta.rý»-ǵa silteme jasap.
Kezdesý seısenbi kúni La-Pasede ótip, bolıvııalyqtardyń paıdasyna 2:0 esebimen aıaqtaldy. Goldardyń avtorlary: Hýan Karlos Arse (31-mınýtta) jáne Marselo Moreno (52).
Matchqa Argentına quramasynyń shabýylshysy Lıonel Messı qatyspady. 29 jastaǵy fýtbolshy tórósheni balaǵattaǵany úshin Halyqaralyq fýtbol federatsııasymen (FIFA) tórt matchqa shettetilgen bolatyn.
Іrikteý kezeńiniń aıaqtalýyna tórt match qaldy, Argentına quramasy 22 upaımen toptaǵy tórtinshi orynda tur. Bul argentınalyqtarǵa Reseıdegi álem chempıonatyna qatysýǵa múmkindik beredi. Bolıvııa komandasy 10 upaımen - toǵyzynshy orynda.
