Lıonel Messıdiń «Inter Maıamı» komandasy Lıga kýbogynyń fınalyna shyqty

ASTANA. QazAqparat – Jeti dúrkin «Altyn dop» syılyǵynyń ıegeri, argentınalyq fýtbolshy Lıonel Messı oınaıtyn «Inter Maıamı» AQSh-ta Lıga kýbogynyń jartylaı fınalynda «Fıladelfııa» klýbyn 4:1 esebimen jeńip, fınalǵa joldama aldy, dep habarlaıdy QazAqparat.

Aty ańyzǵa aınalǵan Messı atalǵan oıynda taǵy bir gol soqty. Ol óz áleýmettik jelisinde jarystyń aqtyq satysyna jetkeni jaıly jazba qaldyrdy.

«Biz fınalǵa shyǵý úshin aıanbaı ter tóktik, bizdiń qoldan keldi!», - dep jazdy Messı Instagram jelisindegi sońǵy jazbasynda.

Eske salsaq, Messı kezekti golyn salyp, «Inter Maıamı» tarıhyndaǵy eń úzdik surmergender arasynda úshinshi orynǵa shyqty.

Messıdiń komandasy Lıga kýbogynyń fınalynda «Neshvıll» komandasymen oınaıdy. Jartylaı fınalda «Neshvıll» «Montorreı» komandasynan 2:0 esebimen basym tústi. Fınaldyq match 19 tamyz kúni ótedi.