Lıonel Messıdiń 7 kúndik uly alǵashqy kelisim-shartyna «qol qoıdy»
ASTANA. 10 qarasha. QazAqparat - Álemniń úsh dúrkin úzdik fýtbolshysy, «Barselonanyń» shabýylshysy Lıonel Messıdiń uly Tıago áli bir aıǵa da tolmaǵanyna qaramastan argentınalyq «Nıýells Old Boız» klýbymen kelisim-shartqa otyryp úlgerdi, dep habarlaıdy RBK.
Tıago Messıge «10-shy» nómirli jeıde buıyrypty. Lıonel «Barselonanyń» akademııasyna aýyspaı turyp dál osy klýbta óz jolyn bastaǵan bolatyn.
Aldaǵy kúnderi argentınalyq «Nıýells Old Boız» ókilderi Eýropaǵa baryp, barlyq qujattardy resimdemekshi.
Tıago Messı 2012 jyldyń 2 qarashasynda dúnıege kelgen. Bir qyzyǵy, statıstıkany súıetin jankúıerlerdiń esepteýinshe, Lıonel Messı óziniń basty qarsylasy Krıshtıaný Ronaldýdan 869 kúnge kishi bolsa, Tıago da Krıshtıanýdyń ulynan dál 869 kúnge kishi eken.
