Lıonel Messı jyl fýtbolshysy dep tanyldy
ASTANA. Jeltoqsannyń 22-si. QazAqparat - Argentına quramasynyń jáne ıspandyq «Barselona» klýbynyń oıynshysy Lıonel Messı FIFA nusqasy boıynsha jyl oıynshysy dep tanyldy.
Dúısenbi kúni keshke Shveıtsarııanyń Tsıýrıh qalasynda ótken marapattaý rásimi FIFA-nyń resmı saıtynda translıatsııalandy, dep habarlaıdy «RIA «Novostı» agenttigi.
Bul Messıdiń mundaı alǵashqy nagradasy. Byltyr ol, qorytyndysy boıynsha atalmysh júldeniń ıegeri anyqtalatyn jattyqtyrýshylar men ulttyq komanda kapıtandarynyń arasyndaǵy saýalda ekinshi atalyp, birinshi oryndy portýgaldyq Krıshtıaný Ronaldý ıelengen edi.
FIFA-nyń jyl oıynshysy ataǵy úshin bıyl Messıge «Barselona» boıynsha klýbtastary - Andres Inesta men Havı, sondaı-aq madrıdtik «Realdyń» oıynshylary - Ronaldý men Kaka básekeles boldy.
