Lıonel Messı taǵy da úzdik boldy
ASTANA. QazAqparat - Ispanııanyń «Barselona» fýtbol klýbynyń shabýylshysy Lıonel Messı Eýropalyq fýtbol klýbtarynyń qaýymdastyǵynyń (ESA) nusqasy boıynsha 2015 jyldyń úzdik fýtbolshysy retinde «Globe Soccer Awards» syılyǵyna ıe boldy, dep habarlady Lenta.ru.
Marapattaý rásimi 27 jeltoqsanda Birikken Arab Ámirliginde ótti. Bul týraly sharanyń Twitter-degi resmı paraqshasynan habarlady.
Messı «ıÝventýs» qaqpashysy Djanlýıdjı Býffonnan jáne «Real» forvardy Krıshtıaný Ronaldýdan ozdy. 2015 jyly argentınalyq Ispanııa chempıony, el Kýboginiń jáne ÝEFA Sýperkýboginiń ıegeri bolyp, chempıondar lıgasy men Klýbtyń álemdik chempıonatynda bes tıtýlǵa ıe bolǵan.
Úzdik evropalyq klýb retinde «Barselona» tanylsa, al bapkerler arasynda belgııalyq quramanyń jattyqtyrýshysy Mark Vılmots kósh bastady.
2016 jyly 11 qańtarda Tsıýrıhte Halyqaralyq fýtbol federatsııasynyń (FIFA) nusqasy boıynsha úzdik oıynshyny «Altyn dop» syılyǵymen marapattaý rásimi ótedi. Úmitkerlerdiń qatarynda Lıonel Messı, Neımar («Barselona») jáne Krıshtıaný Ronaldý bar.
