Lıonel Messı sport mansabyndaǵy 800-inshi golyn soqty

ASTANA. QazAqparat – Argentına quramasy jáne «PSJ» komandasynyń shabýylshysy Lıonel Messı sporttyq jolyndaǵy 800-inshi golyn soqty, dep habarlaıdy QazAqparat tilshisi.

Shampionat.com saıtynan alynǵan málimetke qaraǵanda, Messı klýbtar sapynda 701, ulttyq quramada 99 ret mergendik tanytty.

Búgin Argentına men Panama quramalary ózara joldastyq kezdesý ótkizip, alań ıeleri 2:0 esebimen jeńiske jetti. 89-mınýtta Lıonel Messı match núktesin qoıdy.

Messı Argentına quramasyna 2005 jyldan beri shaqyrylyp keledi. Sodan beri úzdik surmergen retinde kózge túsip, 2022 jyly Qatarda ótken álem birinshiliginde kapıtandyq tizgindi ustap, jeńimpaz atandy. Sondaı-aq ol sol birinshiliktiń úzdik oıynshysy boldy.

Eske sala keteıik, budan buryn Krıshtıaný Ronaldýdyń birinshi bolyp ulttyq quramanyń resmı matchtarynda 100 gol soqqanyn jazǵan bolatynbyz.