Lıonel Messı qazaqstandyq fýtbol klýbynan usynys aldy
NUR-SULTAN. QazAqparat – Qazaqstandyq Premer-Lıganyń «Turan» klýby Instagram-daǵy resmı paraqshasynda argentınalyq shabýyldaýshyǵa usynys jasady, dep habarlaıdy QazAqparat Sports.kz saıtyna silteme jasap.
«Leo Messı, sizdi Túrki áleminiń rýhanı astanasy – Túrkistanǵa shaqyramyz!» - delingen klýbtyń jazbasynda .
Eske sala keteıik, keshe ataqty argentınalyqtyń katalondyq «Barselonadan» ketetini rastaldy. Oǵan biraz klýbtar qyzyǵýshylyq tanytýda. Olardyń qatarynda frantsııalyq PSJ men aǵylshyndardyń «Manchester Sıtıi» bar.
«Turan» QPL týrnırlik kestesinde 18 upaımen 12-orynda tur. Ol kestede sońǵy turǵan «Jetisýdan» segiz upaı joǵary jınaǵan. Klýbtyń úzdik shabýyldaýshysy Temirlan Ámirov tórt gol soqqan.
