Lıonel Messı Qatardaǵy álem chempıonatynyń úzdik oıynshysy atandy
Messı óz sporttyq jolynda ekinshi ret álem birinshiliginiń úzdik oıynshysy atanyp otyr. Budan buryn 2014 jylǵy chempıonatta da ol úzdik oıynshy bolǵan edi.
Qatarda ótken chempıonat qorytyndysynda argentınalyqtar Emılıano Martınes – úzdik qaqpashy, 22 jastaǵy Entso Fernandes – úzdik jas oıynshy, frantsııalyq Kılıan Mbappe úzdik surmergen atandy.
L.Messı sonymen qatar Argentına – Frantsııa fınaldyq matchynyń da úzdigi boldy.
Osy oıynda eki gol soqqan Messı alǵash ret álem chempıony ataǵyna ıe boldy.
Bul «PSJ» (Frantsııa) klýbynyń shabýylshysy úshin besinshi álem birinshiligi edi. 2014 jyly dúnıejúzilik dodanyń fınalynda Argentına Germanııaǵa 0:1 esebimen jol berip, Messı jeńimpaz atana almaǵan edi.
Lıonel Messı – «Altyn doptyń» jeti dúrkin ıegeri. Oǵan jetpeıtini álem chempıony ataǵy edi. Qatarda soǵan da qol jetkizdi.
Argentına quramasy 36 jyldan soń álem chempıony atandy.
Eske sala keteıik, budan buryn Horvatııa quramasy qaqpashysynyń soqqyny qaıtarý jóninen úzdik atanǵanyn jazǵan bolatynbyz.
Sondaı-aq Messı álem chempıonattarynyń rekordyn ornatty.
Messı álem chempıonatynda gol salý jóninen Peleni qýyp jetti.
Penaltı serııasynda Frantsııany jeńgen Argentına úshinshi ret álem chempıony atandy.
Chempıonat surmergeni Kılıan Mbappe gol sany jóninen Pele jáne Messımen teńesti.
Foto: DMITRII GOLÝBOVICh, «ChEMPIONAT»
Podrobnee na «Chempıonate»: https://www.championat.com/football/article-4931197-argentina-franciya-pryamaya-onlajn-translyaciya-chm-2022-gde-smotret-onlajn-final-chempionata-mira-18-dekabrya-2022-goda.html?utm_source=copypaste