Lıonel Messı eki jylǵa jýyq ýaqytqa sottaldy
ASTANA. QazAqparat - Álemge tanymal fýtbolshy Lıonel Messı men onyń ákesine salyqtan jaltarǵany úshin 21 aıǵa bas bostandyǵynan aıyrý týraly úkim kesildi, alaıda olar jazasyn temir tordyń ar jaǵynda ótemeıdi. Olarǵa €2 mln. jáne €1,5 mln. kólemde aıyppul salynady.
Bul týraly RBK jazady.
«Barselona» klýbynyń shabýylshysy Lıonel Messı men onyń ákesi 2007-2009 jyldar aralyǵynda fýtbolshynyń jarnamadan tapqan €4 mln kólemdegi qarjysyna salynatyn salyqtan jaltarǵany úshin aıypty dep tanyldy. Katalonııa soty olardyń árqaısysyn 21 aıǵa túrmege qamaý týraly úkim shyǵarǵan, dep jazady Reuters.
