Lıonel Messı Chempıondar lıgasy rekordyn jańartty
NUR-SULTAN. QazAqparat - Áıgili fýtbolshy Lıonel Messı UEFA Chempıondar lıgasy rekordyn jańartty, dep habarlaıdy QazAqparat tilshisi atalǵan uıymnyń saıtyna silteme jasap.
Ótken jyldyń qazan aıynda «Barselona» kezdesken vengrııalyq «Ferentsvarosh» Messıdiń Chempıondar lıgasynda gol soqqan 39-shy komanda bolyp tarıhqa endi. Bul – atalǵan týrnırdiń rekordy.
Ispanııanyń «Barselona» komandasynyń jartylaı qorǵaýshysy búginge deıin jasyl alań tórinde ótkizgen 12 310 mınýt ishinde qarsylastar qaqpasyn 121 márte dál kózdedi. Ol árbir 101 mınýt, 44 sekýndta bir goldyń avtory atanyp úlgergen.
Argentınalyq fýtbolshy eýrokýbok oıyndarynda 17 eldiń 43 komandasymen kezdesti. Olardyń arasynda «Atletıko» (Ispanııa), «Benfıka» (Portýgalııa), «Rýbın» (Reseı) jáne Italııanyń «Inter» jáne «Ýdıneze» klýbtaryna gol soǵa alǵan joq.
