Lıonel Messı «Altyn dop»-2015 ıegeri atandy
ASTANA. QazAqparat - Ispanııalyq «Barselona» men Argentına quramasynyń shabýylshysy Lıonel Messı Halyqaralyq fýtbol federatsııasynyń (FIFA) «Altyn dop» ıegeri boldy. 2015 jylǵy álemniń úzdik fýtbolshysyna marapatty tapsyrý saltanaty Tsıýrıhtegi gala-kesh kezinde boldy, dep habarlady TASS.
Jattyqtyrýshylar men ulttyq quramalar kapıtandarynyń, sondaı-aq jýrnalısterdiń daýys berýinde 28 jastaǵy forvard óziniń klýbtas áriptesi brazılııalyq Neımardan, sondaı-aq «Real» shabýylshysy portýgalııalyq Krıshtıaný Ronaldýdan basym tústi.
Argentınalyqqa marapatty 2007 jylǵy «Altyn dop» ıegeri brazılııalyq Kaka tapsyrdy.
«Bul men úshin erekshe sát boldy, men sahnaǵa oraldym jáne «Altyn dopty» eki jyldan keıin taǵy da jeńip aldym, buǵan deıin ony Krıshtıaný ıelengen bolatyn. «Bes «Altyn dopqa» ıe bolý - balalyq shaǵymdaǵy armanymnan da asyp tústi, komandadaǵy «áriptesterime de rızamyn», - dedi Messı.
Messı men Neımar 2014/15 jylǵy maýsymda «Barselona» sapynda el chempıonatyn, Kýbogyn jáne Chempıondar lıgasyn, ÝEFA sýperkýbogyn jeńip aldy, sondaı-aq jeltoqsanda álemniń klýbtyq chempıonatynyń jeńimpazy boldy. Argentına quramasymen Amerıka Kýbogynyń fınalyna deıin jetti jáne týrnırdiń úzdik oıynshysy atandy.
«Altyn dop» júldesin 1956 jyly Frantsııanyń "France Football" jýrnalynyń redaktsııasy taǵaıyndaǵan bolatyn jáne jýrnalısterdiń saýalnamasy boıynsha, Eýropanyń úzdik oıynshysyna tapsyrylady. 1991 jyldan FIFA jyl laýreatyna óz júldesin tapsyra bastady. 2010-2012 jyldary Messı úsh jyl qatarynan úzdik oıynshy dep tanyldy.
