Lıonel Messı alty dúrkin «Altyn býtsa» ıegeri atandy
NUR-SULTAN. QazAqparat – «Barselona» fýtbol klýbynyń shabýylshysy Lıonel Messı altynshy ret «Altyn býtsa» ıegeri atandy, dep habarlaıdy QazAqparat euronews.com-ǵa silteme jasap.
Osy marapat jyl saıyn Eýropa elderiniń ishki chempıonattarynyń ótken maýsymdaǵy úzdik surmergenine tapsyrylady. Ótken maýsymda argentınalyq juldyz La Lıgada 36 gol soqqan.
«Men komandalastarym bolmasa bul marapatqa qol jetkize almaıtynymdy aıtaıyn. Bul – bárimizge ortaq marapat. Munymen komandamyz túgel moıyndalyp otyr. Barshaǵa rahmet keleside kezdeskenshe», - dedi Messı.
Aıta keteıik, Messı bul nagradany alǵash ret 2009-2010 jylǵy maýsymda alǵan.
Foto FC Barcelona
