Lıonel Messı 2015 jyldyń úzdik fýtbolshysy atandy
ASTANA. QazAqparat - «Barselona» komandasynyń shabýylshysy Lıonel Messı 2015 jyldyń úzdik fýtbolshysy atanyp, Globe Soccer Awards syılyǵyn ıelendi. Ol básekelesteri «ıÝventýstyq» Djanlýıdjı Býffon men «Real» forvardy portýgaldyq Krıshtıaný Ronaldýdy basyp ozdy, dep jazady sheteldik BAQ.
Úzdik klýb ataǵyn «Barselona» aldy, al jattyqtyrýshylardan Belgııa quramasynyń jattyqtyrýshysy Mark Vılmots úzdik atandy.
Jeńimpazdardy quramynda fýtbol áleminiń ataqtylary bar qazylar anyqtady.
Eske sala keteıik, 2015 jyly Messı 5 tıtýldy jeńip aldy, Ispanııa chempıony atandy, el Kýbogy men ÝEFA Sýperkýbogynyń ıegeri boldy. Sondaı-aq chemıondar Lıgasy men Klýbtyq álem chempıonatynyń jeńimpazy atandy.
