Lıonel Messı 2013 jyly alańǵa shyqpaıdy
ASTANA. 12 qarasha. QazAqparat - Katalonııalyq «Barselonanyń» argentınalyq shabýylshysy Lıonel Messı sol aıaǵynyń jaraqatyna baılanysty aldaǵy 6-8 aptaǵa jasyl alańnan tys qaldy.
Bul týraly «Barselonanyń» resmı saıtyna silteme jasap, «ITAR-TASS» habarlady. Messı Ispanııa chempıonatynyń 13-týryndaǵy «Betıspen» bolǵan oıynda 20-mınýtta jaraqat alǵan bolatyn.
26 jastaǵy fýtbolshy úshin bul bıyldyń ózinde alǵan tórtinshi jaraqaty bolyp otyr.
Argentınalyq shabýylshy «Barselona» sapynda 2004 jyldan beri óner kórsetip keledi. Osy ýaqyt ishinde ol 6 ret Ispanııa chempıonatyn, eki márte el kýbogyn, bes ret Sýperkýbokty utyp alǵan. Komandasymen birge Messı úsh ret Chempıondar lıgasynda top jardy, ÝEFA Sýperkýbogy men klýbtar arasyndaǵy álem chempıonatyn eki retten utty. Sonymen qatar Messıdiń enshisinde tórt «Altyn dop» bar.
