Lıonel Messı 2012 jyldyń úzdik shabýylshysy atandy
ASTANA. 30 jeltoqsan. QazAqparat - Ispanııanyń «Barselona» fýtbol klýby men Argentına ulttyq quramasynyń forvardy Lıonel Messı 2012 jyldyń úzdik shabýylshysy atandy, dep habarlady RBK.
Atalmysh reıtıngti jasaǵan Halyqaralyq fýtbol tarıhy men statıstıkasy federatsııasy (IFFHS) ekinshi oryndy «Realdyń» forvardy Krıshtıaný Ronaldýǵa berip otyr. «Atletıko» shabýylshysy Radamel Falkao úshinshi oryn ıelendi.
Eske sala keteıik, ulttyq quramalar deńgeıinde de Messı 2012 jyldyń úzdik shabýylshysy atandy. «Altyn doptyń» úsh dúrkin ıegeri bıyl qarsylastar qaqpasyn 12 ret dál kózdegen. Ekinshi oryn enshilegen Zlatan Ibragımovıch Shvetsııa quramasy sapynda 11 dop soqqan.
