Lıonda bombany zalalsyzdandyrý úshin 4,5 myńnan astam adam evakýatsııalandy
LION. KazAqparat – Jeksenbide Lıon qalasyndaǵy (Frantsııanyń ortalyq bóligi) Vez oramynyń turǵyndary Ekinshi dúnıejúzilik soǵystan qalǵan áýe bombasyn zalalsyzdandyrý operatsııasy saldarynan qaýipsiz jerge kóshirildi, dep habarlaıdy QazAqparat.
France 3 memlekettik telearnasynyń aımaqtyq bólimshesiniń habarlaýynsha, salmaǵy 250 kg bomba stýdentter jataqhanasynyń qurylysy kezinde tabylǵan. Saperler jarylǵyshy alynyp tastalǵannan keıin de bombanyń tasymaldaý barysynda qaýipti bolýy múmkin ekendigin málimdedi. Osyǵan baılanysty qala bıligi ýaqytsha turǵyndardy qaýipsiz jerge kóshirý týraly sheshim qabyldaǵan.
Birneshe metro jelileri jáne avtobýstyq baǵdarlardaǵy qozǵalys toqtatyldy. Jaqyn mańaıdaǵy temir joly stansasy men temirjol deposy jabyldy.
Soǵys kezinde nemis áskerleri qorshaýǵa alǵan Lıon qalasy 1944 jyldyń 26 mamyrynda amerıkandyq avıatsııanyń jappaı bombalaýyn bastan keshirdi. Sol kúni qalaǵa 1,5 kg áýe bombasy tastalǵan. Saldarynan 700 lıondyq qaza tapty.
