Lıon áýejaıynda belgisiz bireý kóligimen ushý alańyna shyǵyp ketti
BRıÝSSELЬ. QazAqparat - Polıtsııa dúısenbi kúni kóligimen Lıon Sent-Ekzıýperı qalasynyń halyqaralyq áýejaıynyń qorshaýlaryn buzyp, ushý alańyna shyǵyp ketken adamdy ustady, dep habarlaıdy QazAqparat jergilikti buqaralyq aqparat quraldaryna silteme jasap.
Oqıǵa ornynan taratylǵan beınekórinisterde jyltyr aq tústi kóliktiń úlken jyldamdyqpen ushý alańyna ketip bara jatqany beınelengen. Onyń aldynda kólik aerodromdaǵy shlagbaýmdy qıratyp ketti.
Júrgizýshi ótkizý beketine jaqyndaǵan tusta kóligin toqtatyp, boı tasalamaq boldy. Alaıda, kólikti ańdyp kele jatqan polıtseıler ony qorshaýǵa alyp, qolǵa túsirdi.
Ázirge er adamnyń mundaı qadamǵa nelikten barǵandyǵy belgisiz. Tótenshe jaǵdaıdyń saldarynan eshkim zardap shekken joq. Alaıda áýejaıdyń jumysy birshama ýaqyt toqtap turdy.
Foto: www.lyoncapitale.fr
