Linkin Park rok-tobynyń solısi óz-ózine qol saldy
ASTANA. QazAqparat - Linkin Park amerıkalyq rok-tobynyń solısi Chester Bennıngton óz-ózine qol saldy. Bul týraly TMZ habarlady.
Polıtseılerdiń málimetinshe, ánshi 20 shilde kúni Kalıfornııa shtatynyń Los-Andjeles okrýgindegi óz úıinde asylǵan kúıi tabylǵan.
Chester Bennıngton eki ret úılengen, artynda alty balasy qaldy.
Ol esirtki men ishimdik táýeldiligine qarsy uzaq jyldar boıy kúresip kelgen. Buǵan deıin bala kezinde qatygezdikpen uryp-soǵylǵanyn aıtyp, ómirine qol salǵysy kelgenin málim etken bolatyn.
Ánshi 41 jasta boldy. Ol mamyr aıynda asylyp ólgen gıtarashy Krıs Kornellomen jaqyn dos bolǵan.
Linkin Park toby - 1996 jyly Xero ataýymen quryldy. 2000 jyldan bastap sońǵy ataýyna ıe bolyp, belgili «Gremmı» syılyǵyna alty ret usynylyp, onyń ekeýinde júldeni qanjyǵalaryna baılady. 30 mıllıon danamen shyqqan toptyń Hybrid Theory atty alǵashqy alıýbomy olarǵa álemdik tanymaldylyq alyp keldi.
