Lıngvıster óli tilderdi qalpyna keltirýdi úırendi
ASTANA. 13 aqpan. QazAqparat - Lıngvıster óli tilderdi jańǵyrtýdyń jańa quralyn oılap tapty, dep habarlady Bı-Bı-Sı-diń Orys qyzmeti.
Zertteýshiler osy zamanǵy tilderdiń qalpyptasýyna ózek bolǵan ejelgi tilderdiń qurylymyn qalpyna keltiretin kompıýterlik baǵdarlama jasady. Bul baǵdarlamany synaqtan ótkizý kezinde zertteýshiler toby búginde Azııa jáne Tynyq muhıty elderinde taralǵan 637 tildi qarastyrdy jáne olardyń arǵy tegin qalpyna keltirdi.
Búgingi tańda lıngvıster óli tilderdi zertteýde salystyrmaly-tarıhı ádisti qoldanady, biraq bul óte uzaq jáne kúrdeli úderis. Berklıdegi Kalıfornııa ýnıversıtetiniń professory Den Klıaın kompıýterler tildik aqparattardy taldaýda lıngvısterge kómektese alatynyn aıtady. «Adamdar bastapqy aqparattyń orasan zor kólemin taldaýǵa biraz ýaqytyn sarp etedi. Álemde myńdaǵan tilder bar, olardy árqaısysyna myńdaǵan sózder bar. Osy málimetterdiń bárin júıelep, tilderdiń ýaqyt ótken saıyn ózgeriske ushyraýyn taldaýǵa júzdegen jyldar qajet», - dep atap ótedi ǵalym.
