Lındsı Lohan AQSh prezıdenttigine úmitker bolmaq
ASTANA. QazAqparat - Amerıkalyq ánshi Lındsı Lohan 2020 jyly ótetin prezıdenttik saılaýǵa qatysatynyn jarııalady. Ol óziniń bul sheshimin áleýmettik jeli arqyly jurtqa málim etti, dep jazady planet-today.ru.
Buǵan deıin osy eldiń reperi Kane Ýest te óziniń prezıdenttikten dámesi baryn bildirgen bolatyn. Barak Obama onyń joly bolatynyna kúmán keltirgen bolatyn. Sebebi chıkagolyqtar qara násildini saılamaı qoıýy múmkin.
Lındsı Lohan Kane Ýestke oǵan jiger bergeni úshin alǵys aıtypty. Aktrısa prezıdent bolsa, búkil álem boıynsha balalarǵa kómek berýmen aınalysatynyn aıtqan. Ol sondaı-aq elde esirtki zattarynyń taralýyna jáne januıalardaǵy zorlyq-zombylyqqa qarsy ekendigin málimdegen.
Amerıka jurtshylyǵy bul málimdemege kúmánmen de, kúle de qaraǵan eken. Sebebi, Lohan esirtki jáne alkogolge táýeldilikten birneshe márte emdelgen kórinedi.
