Lında ıAkkarıno X áleýmettik jelisiniń bas dırektory qyzmetinen ketti

ASTANA. KAZINFORM — Lında ıAkkarıno, X kompanııasynyń bas dırektory kompanııadan ketetinin habarlady. 

— Eki tańǵajaıyp jyldan keıin men X kompanııasynyń bas dırektory qyzmetinen ketýge sheshim qabyldadym. Ilon Maskpen onyń X týraly kózqarasyn alǵash ret talqylaǵanda, men bul kompanııanyń órshil mıssııasyn oryndaýdyń biregeı múmkindigi ekenin túsindim. Men onyń sóz bostandyǵyn qorǵaýǵa, kompanııany túbegeıli ózgertýge jáne X qosymshasyn barlyǵyna arnalǵan qosymshaǵa aınaldyrýǵa degen senimi úshin óte rızamyn, — dep jazdy ıAkkarıno X-te.

ıAkkarıno otstavkaǵa ketý sebebin aıtqan joq.

Ilon Mask ıAkkarınoǵa X-tegi jumysy úshin alǵys bildirdi.

Lında ıAkkarıno 2023 jyldyń maýsymynda áleýmettik jeliniń ıesi Ilon Masktyń usynysymen X kompanııasynyń bas dırektory bolyp taǵaıyndaldy. Buǵan deıin ol NBCUniversal medıakorporatsııasynyń jarnamalyq satý bólimin basqarǵan. Mask X dırektorlar keńesiniń tóraǵasy bolyp tabylady jáne kompanııadaǵy barlyq derlik sheshimderdi qabyldaıdy. Ilon Mask Twitter-di satyp alǵannan keıin onyń rebrendıngin jasap, birqatar jańalyqtardy engizdi. ıAkkarıno Maskty jarnama berýshilerden jáne paıdalanýshylardan sońyna deıin qorǵady.

Eske sala keteıik, Mask «Amerıka» atty jańa saıası partııa qurylǵanyn jarııalady.