Lımonnyń kosmetıkadaǵy paıdasy qandaı?
ASTANA. QazAqparat - Biz lımondy kúndelikti tirligimizde tamaqqa paıdalanyp, kokteılge qosamyz. Ol sondaı-aq kosmetıkalyq qural da. Osyǵan baılanysty birneshe keńesti nazarlaryńyzǵa usynamyz.
- Taza lımon shyrynymen bettiń jáne qoldyń terisin súrtedi. Ol daqty ketirýge kómektesedi;
- Eger lımonnyń shyrynyn ókshege, tizege, shyntaqqa jaqsańyz, qataıǵan terini ketirý anaǵurlym jeńildeıdi;
- Qoldyń terisin jumsartý úshin ıissý men kosmetıka sútin aralastyryp, uıyqtar aldynda qolǵa jaǵyp jatý kerek. Birinshi kúni-aq qolyńyz jup-jumsaq bolyp shyǵa keledi;
- Eger qolyńyz jarylyp ketse, terińiz qataısa, jetisine bir ret myna protsedýralardy jasaý kerek: eki as qasyq toly lımon shyrynyn, tórt as qasyq toly qurǵaq sút jáne alty as qasyq toly un (suly, bıdaı, kúrish, arpa uny) qosyp jasalǵan qospaǵa qolyńyzdy on mınýt batyryp otyrý kerek;
- Manıkıýr jasar aldynda saýsaqtardy batyratyn jyly sýǵa kishkene ǵana lımon shyrynyn qossa, teri jumsaryp jaqsy alynady;
- Eger tyrnaqtaryńyz jıi synǵysh bolsa, lımon shyryny men záıtún maıyn qosyp jasaǵan suıyq zatpen massaj jasaý kerek;
- Jumyrtqa men lımonnan jasalǵan maska shashqa óte paıdaly: eki jumyrtqanyń sarysyn alyp, oǵan jarty lımonnyń shyrynyn aralastyryp, bar bolsa birneshe tamshy qosýǵa bolady. Osyny jýylǵan shashqa jetisine eki ret jaǵady. Jyly sýmen shaıqaǵannan keıin azdaǵan sýsabynmen jýsa, shash jumsarady, óńi ashylyp, túsýi toqtalady;
- Lımonnyń taza shyrynymen aıaqqa massaj jasaý kerek. Sodan keıin sýǵa salyp, oǵan lımonnyń shyrynyn qosady. Sý ábden sýyǵannan keıin taza sýmen aıaqt jýý kerek. Mundaı protsedýra óte paıdaly. Aıaqtyń qan aınalysyn jaqsartyp, sharshaǵanyn basady, dep jazady massaget.kz.
