Lımonnyń ıisi adamdardy jomart etedi eken
ASTANA. Qazannyń 29-y. QazAqparat - Lımonnyń ıisi adamdardy jomart etedi eken. Toronto ýnıversıtetiniń kanadalyq zertteýshisi Chen Bo Chjan men onyń áriptesteri osyndaı qorytyndyǵa kelip otyr,
dep habarlaıdy ITAR-TASS.
Olar lımon qosylǵan zararsyzdandyrý zattarynyń ıisiniń adamdarǵa tıgizetin áserin zerttegen. Tájirıbe barysynda olar 14 adamnan turatyn eriktilerdiń bir tobyn lımon qosylǵan zararsyzdandyrýshy zattyń ıisi turǵan bólmege jaıǵastyrǵan, taza jeldetilgen ekinshi bólmege de sonsha adam jaıǵastyrǵan. Jáne qatysýshylardyń árqaısysynyń qolyna 12 dollardan berip, ol aqshany eki bólmedegi adamdardyń kez-kelgenimen bólisýdi ótingen. Tájirıbe sharty boıynsha, aqshany óz qaltasynda qaldyrýǵa da ruqsat etilgen.
Zertteýshiler qorytyndy shyǵarǵan kezde, lımon ıisimen tynys alǵandardyń jomarttyǵyna kóz jetkizgen: olar orta eseppen basqa qatysýshylarmen 5 dollar 33 tsentten bólisken al ekinshi bólmedegiler sarańdyq tanytyp, orta eseppen 2 dollar 81 tsentpen bólisken. Zertteýshilerdiń pikirinshe, lımon ıisi adamdardyń kóńilin jaılandyryp, olar aınalasyndaǵylarǵa jomarttyq tanyta bastaıdy eken.
