Lımon qosylǵan ystyq sýsyn koronavırýsty jáne onkologııalyq aýrýlardy emdeıdi - FEIK

NUR-SULTAN. QazAqparat - Áleýmettik jeli qoldanýshylary lımonnyń emdik qasıeti týraly habarlama taratýda. Tsıtrýs jemisti ystyq sýǵa qosqanda koronavırýsqa qarsy dári-dármekti almastyra alady jáne obyr jasýshalaryın óltiredi. Bul jalǵan, dep habarlaıdy stopfake.kz saıty.

Lımonmen koronavırýsty emdeý týraly habarlama 2019 jyldan beri álem boıynsha áleýmettik jelilerde taraýda. Onyń avtorlary Beıjiń áskerı aýrýhanasynyń bas dırektory Chen Horınge súıenedi, ol lımonnyń úshten bir bóligin ystyq sýǵa qosyp, kúnde ishýge keńes berdi. Bul sýsyn vırýsqa qarsy dári-dármekti almastyrýy kerek. Bul jalǵan málimdeme.

Zertteýshi Chen Horın týraly kópshilikke qol jetimdi aqparat joq. S dárýmeniniń koronavırýsqa qarsy áserin rastaıtyn da zertteýler joq.
«Lımonnyń COVID-19 juqtyrýǵa jol bermeıtinine ǵylymı dálelder joq. Alaıda, jalpy alǵanda, DDU durys tamaqtanýdyń bir bóligi retinde jemis pen kókónisti jetkilikti mólsherde jeýdi usynady», – delingen Dúnıejúzilik Densaýlyq saqtaý uıymynyń saıtynda.
Lımon sýy obyr jasýshalaryn joıýǵa kómektesedi degen pikir de durys emes.
Lımon men basqa da tsıtrýs jemistiń quramynda qaterli isikke qarsy qasıetterge ıe tabıǵı zattar – modıfıkatsııalanǵan tsıtrýs pektıni men lımonoıdtar bar ekendigi týraly zertteýler bar. Biraq olar adamdarda tekserilmegen. Sondyqtan olardyń tıimdiligi týraly qorytyndy jasaý múmkin emes.
Dárigerler lımonnyń quramyndaǵy qosylystardyń keıbir túrleri qaterli isik aýrýynyń aldyn alýda paıdaly bolýy múmkin ekenin joqqa shyǵarmaıdy. Alaıda, bul zattar aǵzanyń qaterli isikpen kúresý qabiletin arttyrady, biraq obyr jasýshalaryn óltirmeıdi.