Lımon qosylǵan sýdyń densaýlyqqa paıdasy
ASTANA. QazAqparat - Lımon qosylǵan sýdyń aǵzamyzǵa paıdaly ekeni buǵan deıin de aıtylǵan. Ony daıyndaý joly da óte qarapaıym. Sonymen, lımon qosylǵan sýdyń birqatar paıdasyn oqyrman nazaryna usynamyz.
1. Immýndyq júıeńizdi qataıtady. Lımon S dárýmeni men kalııge óte baı. Ol júıke júıesi men mıdyń qyzmetin jaqsartyp, qan qysymyn qalypqa keltiredi.
2. Lımon qyshqyly siltili balansty da retteıdi.
3. Artyq salmaqpen kúresýge kómektesedi. Óıtkeni, onyń quramynda qandaǵy qant mólsherin durystaıtyn pektın bar. Ol qarnyńyzdyń ashqanyn kópke deıin bildirtpeıdi. Sondyqtan, siltili dıetany ustaıtyn adamdar basqalarǵa qaraǵanda áldeqaıda tez aryqtaıtyny dáleldengen.
4. Lımon qosylǵan sý as qorytý joldaryn jaqsartady. Sebebi, basqa fermenttermen de áreketke túsip, asqazan sólin tejeıdi. Al jyly sý ishek-qaryn joldaryn tazalaıdy.
5. Terińizdiń tartymdy bolýyna septigin tıgizedi. Lımon quramyndaǵy S dárýmeni aǵzanyń ishinen terini jasartady. Sol sebepti lımon qosylǵan sý ishý arqyly siz kópke deıin qarttyqty umytasyz. Oǵan qosa túrli bezeý, qara daq sekildi kózge turpaıy kórinetin núktelerden qutylasyz. Lımon qosylǵan sý otqa kúıip qalyp, deneńizge tyrtyq tússe da ony ketirýge kómektesedi.
6. Lımon - eń myqty antıoksıdant. Al ony sýǵa qosyp ishseńiz, zat almasý protsesin jaqsartyp, aǵzańyzdy bos radıkaldardan qorǵaısyz. Holesterın mólsherin tómendetip, ımmýndyq júıeni qataıtady.
7. Lımon qosylǵan sý qanyńyzdy tazalaıdy. Sonymen birge, qan tamyrlary men kúretamyrdy da tazalaýǵa kómektesedi jáne qan qysymyn tómendetedi.
Bul sýsyn arqyly túrli aýrýdyń aldyn alýǵa bolady. Tipti qaterli isikke de qarsy tótep bere alasyz. Eń bastysy, kásibı mamandyrdyń aıtqan tártibi boıynsha ishken durys.
massaget.kz portalynan alyndy.
