Lıllehammer qysqy Olımpıadasy: shorttrekshi Anıta Nagaı qola júldeni jeńip aldy
ASTANA. QazAqparat - Batysqazaqstandyq shorttrekshi Anıta Nagaı Norvegııanyń Lıllehammer qalasynda ótip jatqan jasóspirimderdiń qysqy Olımpıadasynda aralas komandalyq jarysta qola júldeni enshiledi.
Vesti.kz saıtynan alynǵan málimetke qaraǵanda, Anıta quramyna odan basqa Katrın Manoılova (Bolgarııa), Karlıs Krýsberg (Latvııa), Kazýkı Ioshınaga (Japonııa) kirgen «6 komanda» sapynda 4:17.181 mınýt ýaqyt kórsetip, márege úshinshi keldi. Bul synda altyn medaldi «2 komanda» (norvegııalyq Ane Baı Farshıada, ońtústikkoreıalyq Djı ıÝ Kım, belgııalyq Steına Desme jáne frantsııalyq Kventın Ferkok, 4:14.413 mınýt), kúmis júldeni «3 komanda» (vengrııalyq Petra ıAzapatı, avstralııalyq Djýlııa Mýr, gollandııalyq Terk De Boer, japonııalyq Kııchı Shıgeıro, 4:14.495) jeńip aldy.
Eske sala keteıik, bul - qazaqstandyqtardyń jasóspirimder olımpıadasyndaǵy tórtinshi medali. Munyń aldynda bıatlonshy Arına Pantova men mánerlep syrǵanaýshy Elızavet Tursynbava qola, konkıshi Anvar Mýhamadıev kúmis júldeni ıelengen bolatyn.
