Lılııa Rahtyń isi boıynsha aldyn ala sot tyńdaýy 17 qazanǵa belgilendi

Bul týraly qalalyq sotqa silteme jasaı otyryp, «QazAqparat» tilshisi habarlady.  

«Sot L.Rahtyń isine qatysty aldyn ala sot talqysyn 17 qazanda ótkizý týraly qaýly shyǵardy», - dep habarlady baspasóz qyzmetinen.

Eske sala keteıik, bıylǵy jyldyń tamyz aıynda Almatyda sán bıznesindegi tanymal kásipker Lılııa Rah Ózbekstan azamatyn urlady dep kúdikke ilingen bolatyn.

Qalalyq ІІD baspasóz qyzmetiniń habarlaýynsha, 2016 jyldyń 9 shildesinde N. esimdi azamat Almaty polıtsııasyna 33 jastaǵy Ózbekstan azamatynyń iz-túzsiz joǵalǵany jóninde shaǵym túsirgen.

«Jedel tergeý keshendi sharalaryn júrgizý barysynda Ý. esimdi azamattyń urlanǵany jáne jalǵa alynǵan páterlerdiń birinde zorlyqpen ustalynyp otyrǵandyǵy anyqtaldy. Polıtsııa bólimderiniń úılesimdi áreketiniń nátıjesinde, izdeýdegi adamnyń qaı jerde ekendigi anyqtaldy jáne ol qutqaryldy. Almaty qalalyq ІІD Uıymdasqan qylmysqa qarsy kúres basqarmasynyń qyzmetkerleri osy qylmysty jasady degen kúdikpen tórt adamdy ustady. Olardyń ishinde Lılııa Rah ta bar», - dep habarlaǵan bolatyn ІІD baspasóz qyzmetinen.

Oǵan qatysty QR Qylmystyq kodeksiniń 125-baby boıynsha qylmystyq is qozǵaldy.