Lılııa Rah sotta málimdeme jasady
ALMATY. QazAqparat - Lılııa Rah sotta málimdeme jasady, dep habarlaıdy QazAqparat tilshisi sot zalynan.
«Iá, men Sývanovty qaryzy týraly máseleni zańnan tys sheshkim keldi. Sondyqtan, áýejaıda kezdestim», - dedi ol.
L. Rah sottalýshy Mırı Pazdyń jábirlenýshi Sývanovpen aradaǵy máselelerin sheship júrgenin, biraq onyń Esikte bolǵanyn bilmegenin aıtty. «Men Sývanovqa zalal keltirýdi áste oılaǵanym joq. Esikke kelgenimde ne bolyp jatqanyn kórip, qarsy shyqtym», - dedi ol.
Ol sotta sóılegen sózinde barlyq áshekeı-buıymdaryn qaıtaryp alǵanyn aıtty. Sondyqtan, lombardtan keıin onymen tipti isi bolmaǵan.
«Men áýejaıdan lombardqa deıingi oqıǵalarǵa qatysqanymdy moıyndaımyn. Jasaǵan isime qatty ókinemin. Hamro taǵy da ózińnen keshirim suraımyn», - dedi Lılııa Rah sotta kámelet jasqa jetpegen qyzyn tárbıeleýge múmkindik surap.
Eske sala keteıik, 2016 jyldyń 10 qarashasy kúni sot úkimimen Lılııa Rah QR QK 125-babynyń 2-bóligi, 1,8-tarmaqtaryndaǵy qylmysty jasaǵany úshin (jeke maqsattary úshin adamdar tobymen aldyn ala sóz baılasa otyryp adam urlaý) aıypty dep tanylyp, 7 jylǵa bas bostandyǵynan aıyrylǵan bolatyn.
Sotta Lılııa Rahqa atalǵan qylmysty jasaǵany úshin eń tómengi jaza taǵaıyndalǵany aıtylǵan edi. Іske qatysty aıyptalýshylar Paz, Shalbaev jáne Mısırov QR QK 125-babynyń 2-bóligi, 1,3,8-tarmaqtaryndaǵy qylmysty jasaǵany úshin kináli dep tanylǵan bolatyn.
Sot úkimimen Paz 7 jyl 6 aıǵa, Mısırov pen Shalbaev árqaısysy 8 jylǵa sottalǵan.
Aıta keteıik, belgili kásipker Lılııa Rah 2016 jyldyń 27 shildesinde Almatyda tutqyndalǵan.
