Lılııa Rah isi: Jábirlenýshi kásipker Hamro Sývanov Mırı Pazdyń jazasyn aýyrlatýdy surady
ALMATY. QazAqparat - Jábirlenýshi kásipker Hamro Sývanov Mırı Pazdyń jazasyn aýyrlatýdy surady, dep habarlaıdy QazAqparat tilshisi sot zalynan.
Appelıatsııalyq sot otyrysynda jábirlenýshi kásipker aıyptalýshylardyń biri Mırı Pazǵa qatysty óz ótinimin jetkizdi.
«Alǵashqy sot ınstantsııasynyń úkimi ádiletsiz. Men Mırı Pazdyń jazasyn aýyrlatýdy suraımyn. Bárin bastaǵan sol. Al, Lılııa Robert qyzyn kerisinshe bosatýdy suraımyn», - dedi Hamro Sývanov.
Onyń aıtýynsha, qazir densaýlyǵy syr bergen.
«Іshki organdarym tolyq jumys jasamaıdy. Qan qysymym da turaqsyz», - dedi jábirlenýshi.
Eske salaıyq, 23 tamyzda Sauvage dúńgirsheginiń ıesi Lılııa Rah adam urlady degen kúdikpen qamaýǵa alynǵan bolatyn.
Almaly aýdandyq sotynyń sýdıasy Qýanysh Áripov Lılııa Rahty 7 jylǵa, Mırı Pazdy - 7,5 jylǵa, Baqyt Shalbaev pen Islam Mesırovti 8 jylǵa deıin bas bostandyǵynan aıyrý týraly úkim shyǵarǵan bolatyn. Sonymen qatar, sot olardyń múlikterin tárkileý týraly sheshim shyǵardy.
Rahtyń qorǵaýshysy Vladımır Han men jábirlenýshi Hamro Sývanov bolsa, sot úkiminiń tym qataldyǵyn aıtyp, apellıatsııalyq shaǵym túsirgen edi.
Búgingi sot otyrysynda L.Rahtyń qorǵaýshysy óziniń qorǵaýyndaǵy aıypkerdiń qaıta suralýyn ótindi. Sot ony qanaǵattandyryp, kelesi otyrysty 18 qańtarǵa qaldyrdy.
