Lıga kýbogynda jartylaı fınalyna shyqqan barlyq komanda anyqtaldy

ASTANA. KAZINFORM — Fýtboldan Lıga kýbogy týrnıri jartylaı fınalyna shyqqan barlyq komanda anyqtaldy.

21 shildede A tobynda «Aqjaıyq» (Oral) men «Qyzyljar» (Petropavl) komandalary kezdesti.

Bıyl birinshi lıgada baq synap júrgen «Aqjaıyq» atalǵan qarsylasyn 2:1 esebimen jeńdi. Kezdesýde petropavldyq komanda negizgi quramdaǵy birqatar oıynshylardy oıynǵa qosty.

Soǵan qaramastan qarsylasyna ese jiberip qoıdy.

Atalǵan topta «Qaırat» (Almaty) óz alańynda «Tarazdy» 3:0 esebimen tize búktirdi.

Bul topta jeti upaı jınaǵan «Qaırat» jartylaı fınalǵa joldama aldy.

Al V tobynda «Jeńis» (Astana) jarystyń kelesi satysyna joldama aldy. Olar úshinshi týrda syrt alańda «Aqtóbege» jol berdi. Týrnır kestesinde eki komanda alty upaı jınady. Dop aıyrmasy boıynsha elordalyq klýb jarysty jalǵastyrýǵa múmkindik aldy.

Atalǵan topta «Qaısar» (Qyzylorda) óz alańynda «Tobyl» (Qostanaı) komandasyn 5:1 esebimen tas-talqan etip jeńdi. Eýrokýbok oıyndaryna qatysýyna baılanysty qostanaılyq ujym bul kezdesýge negizinen jastar komandasyn alyp keldi.

Endi jartylaı fınalda «Qaırat» pen «Jeńisten» basqa elordalyq «Astana» men semeılik «Elimaı» synǵa túsedi.

Jartylaı fınal 10-11 tamyz ben 30 qazanǵa belgilengen. Fınal 24 qarashaǵa josparlanǵan.