Lıga kýbogy: «Jetisý» men «Kaspıı» óz alańynda jeńiske jetti

ASTANA. KAZINFORM – Búgin fýtboldan Lıga kýbogy týrnıri aıasynda taldyqorǵandyq «Jetisý» men elordalyq «Astana», aqtaýlyq «Kaspıı» men qaraǵandylyq «Shahter» komandalary kezdesti.  

Taldyqorǵandyqtar tartysty oıynda 2:1 esebimen jeńiske qol jetkizdi. Grıgorıı Babaıan jattyqtyratyn «Astana» keıingi kezdesýlerinde súreńsiz oıynymen qarsylastaryna upaı úlestirip júr. Bul joly da Qaırat Nurdáýletov jattyqtyratyn komandaǵa ese jiberdi. 

Oıyndaǵy alǵashqy goldy 7-mınýtta elordalyq komandanyń burynǵy oıynshysy Serikjan Mýjıkov soqty. Araǵa 4 mınýt salyp «Astana» sapynan Nnamdı Ahanoný esepti teńestirdi. Degenmen 73-mınýtta taldyqorǵandyq klýbtyń legıoneri Anton Shramchenko jeńisti goldy salyp, «Jetisý» Lıga kýbogy týrnıriniń kelesi kezeńine joldama aldy. 

Al, ekinshi kezdesýdegi soǵylǵan jalǵyz gol aqtaýlyqtarǵa jeńis ákeldi. «Kaspıı» komandasynyń sapynan oıynnyń 66 mınýtynda Sanat Jumahanov qyzyl qaǵaz alyp, komandasyn qıyn jaǵdaıda qaldyrdy. Alaıda aqtaýlyq klýbtyń fýtbolshylary jeńisti serııasyn jalǵastyra bildi. Matchtyń 85 mınýtynda Almas Tólibaı óz qaqpasyna abaısyzda gol salyp alyp, alań ıelerine jeńis syılady. 

Eske sala keteıik, 25 mamyrda fýtboldan Lıga kýbogy týrnıri bastalaǵan edi. Alǵash ret jalaýyn kótergen týrnırde 16 komanda 4 topta synǵa túsip, árqaısysy 3 oıynnan ótkizedi.