Lıga kýbogy: «Elimaı» jartylaı fınalǵa berilgen ekinshi joldamaǵa ıe boldy

ASTANA. KAZINFORM — Fýtboldan Lıga kýbogy týrnıriniń úshinshi týrynda semeılik «Elimaı» jartylaı fınalǵa berilgen ekinshi joldamaǵa ıe boldy.

Semeılik klýb óz alańynda «Atyraýdy» qabyldady. Bul kezdesýde jeńiske jetken jaǵdaıda olar jartylaı fınalǵa shyǵatyn edi. 

S tobynda synǵa túsken komandalar oıyn basynan bir-biriniń qaqpasy mańynda jıi boı kórsetti. Oıynnyń 63-mınýtýynda semeılik klýbtan Jan-Alı Paırýz esep ashty. Al 85-mınýtta Shına penaltıden múlt ketpese, 93-mınýtta Danııl Penchıkov qorytyndy esepti belgiledi.

Osylaısha «Elimaı» qarsylasyn 3:0 eesbimen tize búktirdi.

Atalǵan toptaǵy «Turan» (Túrkistan) men «Ordabasy» (Shymkent) kezdesýinde 2:2 esebi tirkeldi.

Atalǵan topta jeti upaımen birinshi oryn alǵan «Elimaı» jartylaı fınalǵa shyqty.

Aıta ketsek, budan buryn mundaı múmkindikke D tobynan elordalyq «Astana» komandasy ıe boldy. Ol úshinshi týrda syrt alańda Qaraǵandynyń «Shahterin» 4:2 esebimen tize búktirdi.

Bul topta «Kaspıı» óz alańynda «Jetisýdy» 2:1 esebimen jeńdi.

Endi 21 shildede A tobynda «Aqjaıyq» (Oral) men «Qyzyljar» (Petropavl), «Qaırat» (Almaty) men «Taraz», V tobynda «Qaısar» (Qyzylorda) men «Tobyl» (Qostanaı), «Aqtóbe» men «Jeńis» (Astana) kezdesedi.