Lıftiniń jıi qulaýy: Kásipkerler palatasy máseleni sheshýdiń jolyn aıtty

«Sońǵy jyldary memlekettik retteýdi aıtarlyqtaı qysqarttyq. Endi bıznestiń jaýapkershiligin kóterý qajet dep esepteımiz. Sebebi, túptep kelgende tutynýshy zardap shegýi múmkin. Lıftilermen ne bolǵanyn qarańyzdar. Retteýdi jeńildettik, lıtsenzııalaýdy alyp tastadyq endi qazir lıft jetkizýshileri esh rettelmegen. Aı saıyn lıftke qatysty oqys oqıǵalar jıilep ketti. ıAǵnı, baqylaýdy jiberip aldyq», - dedi ol Ortalyq kommýnıkatsııalar qyzmetinde ótken baspasóz máslıhatynda.

UKP qatań lıtsenzııalaýǵa qaıta oralmaı, jaýapkershilikti kóterýdiń ózge joldaryn tańdaýdy usyndy. Olardyń biri - elektr jelileri deldaldarynyń qyzmetin retteý mysaly boıynsha biliktilik talaptaryn engizý. Endi olarda dıspetcherlik basqarma, jóndeý brıgadasy jáne qyzmetkerleriniń belgili bir biliktiligi bolýy qajet.

«Osylaısha, naryq birtindep qorǵala bastaıdy. Lıft máselesinde de osy jolmen júre alamyz dep esepteımiz. Nemese kelesi qadam - ózin-ózi retteý (...) Eń bastysy standarttar júıesin usynyp otyrmyz. Salalyq uıymdar men bıznes, memlekettik organdar men tutynýshylar ázirleıtin bul standarttar normatıvtik aktilerdiń negizi bolýy tıis.  ıAǵnı, lıtsenzııalaýdyń ornyna lıft ornatýdyń standarttary bolýy tıis. PIK nemese tapsyrys berýshi qurylǵynyń standartqa qanshalyqty saı ekenin túsine alady», - dep óz sózin tolyqtyrdy Ulttyq palata ókili.

Onyń aıtýynsha, qazirgi ýaqytta zań jobasy QR Parlamentiniń Májilisinde jatyr.

Sondaı-aq, Ulttyq palata adam ómirimen jáne densaýlyǵymen tikeleı baılanysty salalardaǵy quqyq buzýshylyqqa salynatyn aıyppuldy qatańdatýdy usynyp otyr.

Eske sala ketsek, ótken aptada Astanadaǵy «Grand Astana» turǵyn úı kesheninde jetinshi qabattan lıft qulaǵan edi. Lıft birinshi jáne ekinshi qabattardyń arasynda turyp qalǵan jáne ishindegi adamdar lıftte 50 mınýt otyrǵan.

Qańtar aıynda qostanaılyq jasóspirim toqtap qalǵan lıftten óz erkimen shyqpaq bolyp, mert boldy.