Lıftiniń ishinde qaıtys bolǵan qytaılyq azamatsha 30 kúnnen keıin tabyldy
ASTANA. QazAqparat - Qytaılyq Sıan qalasynda isten shyqqan lıftiniń ishinen 43jastaǵy áıeldiń múrdesi tabyldy.
The Guardian basylymy jóndeý brıgadasynyń isten shyqqan jedelsatyny qaıta jóndeýge kiriskende, synǵan kabınanyń ishinen 43 jastaǵy áıeldiń múrdesin tapqanyn habarlaıdy.
Áıeldiń múrdesi onda 30 kúnnen astam jatqan. Osy ýaqytta onyń joǵalǵany týraly eshkim habarlamaǵan, sebebi ol jalǵyz turyp, týystarymen kóp aralaspaıtyn.
Qazirgi kezde áıeldiń ólimi tabıǵı sebeptermen bolǵany belgili boldy, biraq jumyskerlerdiń salǵyrttyǵy bolmasa, ajaldan aman alyp qalý da múmkin edi.
Oqıǵa faktisimen tergeý amaldary bastaldy.
