Lıftiniń beınebaqylaý kameralary men qabyrǵalaryn syndyrǵan elorda turǵyny ustaldy
NUR-SULTAN. QazAqparat – Áleýmettik jelilerge jasalǵan monıtorıngi barysynda lıftiniń beınebaqylaý kameralary men qabyrǵalaryn syndyrǵan jas jigit túsip qalǵan vıdeo anyqtaldy, dep habarlaıdy QazAqparat Nur-Sultan qalasy Polıtsııa departamentiniń baspasóz qyzmetine silteme jasap.
Oqıǵa bıylǵy jyldyń 16 sáýirinde saǵat 00:38-de elordanyń sol jaǵalaýynda «Dıvo» turǵyn úı kesheninde bolǵany anyqtaldy. Ol týystarynyń úıine qonaqqa kelgen 21 jastaǵy elorda turǵyny bolyp shyqty.
Qoǵamdyq tártipti buzýshyǵa qatysty QR ÁQBtK-niń 434-baby («Usaq buzaqylyq») boıynsha ákimshilik is qozǵaldy. Protsessýaldyq sheshimdi Nur-sultan qalasynyń mamandandyrylǵan aýdanaralyq ákimshilik soty qabyldaıdy.
