Lıftide áıelin ólimshi etip sabaǵan astanalyq jigit 4 jyl 8 aıǵa sottaldy
Búgin Astana qalasy Esil aýdanynyń №2 soty B-ǵa qatysty jubaıy J-nyń densaýlyǵyna asa qatygezdikpen birneshe ret ortasha aýyr zııan keltirý jáne júkti áıeldi uryp-soǵý faktisi boıynsha aıyptaý úkimin shyǵardy.
Aıta ketsek, sotqa deıingi tergeý barysynda taǵylǵan aıypqa saı B. 2018-2020 jyldar aralyǵynda jubaıynyń júkti jáne onyń materıaldyq táýeldi ekenin bile otyryp, oǵan fızıkalyq jáne psıhıkalyq azap kórsetken.
«Bıyl 28 naýryzda B. lıftide mas kúıinde áıelin asa qatygezdikpen uryp-soǵyp, tepkilegen. Osylaısha áıeliniń densaýlyǵyna ortasha aýyr zııan keltirildi. Oqıǵa lıftiniń beınebaqylaý kamerasyna túsip qalǵan», - dep habarlaıdy elorda sotynan.
Sondaı-aq, Esil aýdanynyń №2 soty aıypty kinásiniń qalaı dáleldengenin túsindirdi:
- jábirlenýshi men kýágerlerdiń aıǵaqtarymen;
- sot saraptamalarynyń qorytyndysymen;
- beınejazbamen;
- sottalýshy men jábirlenýshi arasyndaǵy hat almasýmen dáleldendi.
Resmı habarlamada aıtylǵandaı, B-nyń qylmystyq jaýapkershiligi men jazasyn jeńildetetin jáne aýyrlatatyn mán-jaı anyqtalmaǵan.
ıAǵnı QR QK 107-babynyń 2-bóligine sáıkes aıyppul salý, túzeý jáne qoǵamdyq jumys nemese 3 jylǵa deıin bas bostandyǵynan aıyrý jazasy kózdelgen.
Sonymen qatar, QR QK 110-baby 2-bóliginiń sanktsııasymen bas bostandyǵyn shekteý ne 4 jyldan 7 jylǵa deıin bas bostandyǵynan aıyrý jazasy qarastyrylǵan.
«Sottalýshynyń kinási dáleldengendikten, sot oǵan QR QK 107-baby 2-bóliginiń 3, 7) tarmaqtary jáne 110-baby 2-bóliginiń 1, 3) tarmaqtary boıynsha 4 jyl 8 aıǵa bas bostandyǵynan aıyrý jazasyn taǵaıyndady. Odan bólek, jábirlenýshiniń paıdasyna B-dan 2 mln teńge somasynda moraldyq jáne 4 mln teńgeden astam mólsherde materıaldyq zalal óndirildi», - dep jazylǵan sot úkiminde.
Sot úkimi zańdy kúshine engen joq.
Eske sala ketsek, bıyl mamyr aıynda elorda polıtsııasy lıft ishinde áıeldi soqqyǵa jyqqan er adamǵa qatysty qylmystyq is qozǵalyp, tergeý amaldary júrip jatqanyn habarlaǵan edi.