Lıfti salasynda jaýapty kompanııalar ǵana jumys isteý kerek - Isekeshev
«Qaladaǵy PIK boıynsha suraq kóp. Máselen, lıftilerdi alyp qaraıyq. Turǵyndar lıftilerdiń jaǵdaıyn árdaıym talqylaý ústinde. Máselen, ótken kezeńde 6 jaǵdaı tirkeldi. Taıaýda ǵana eki bala lıftige qamalyp qalǵan. Mundaı máseleler nelikten shyǵyp jatyr? Ol týraly biz buryn da aıtqan edik. Bárin bızneske berdik. Lıftiler boıynsha qalamyzda alpysqa jýyq kompanııa jumys isteıdi. Bizdiń aldyn ala baǵalaýymyz boıynsha olardyń jartysyna jýyǵynda ǵana personal, qurylǵy bar. Qalǵandary turǵyndarsyz shart jasap alǵan», - dedi qala basshysy Astanadaǵy qurylys jumystarynyń sapasy talqylanǵan keńeste.
Astana qalasy ákimi osy sebepti «Atameken» UKP-pen birlesken jumys júrgizilip jatqanyn atap ótti.
«Olar ózin-ózi retteý uıymyn qurýdy usynyp otyr. Demek, kompanııalar ózin-ózi rettep, olarǵa jaýapkershilik júkteletin bolady. Sonymen birge, zańnamaǵa ózgerister engizý týraly usynystardy Investıtsııalar jáne damý mınıstrligine joldadyq. Demek, kompanııa óz jumysyn qatań baqylaýǵa alýy tıis. Olarda biliktiligi joǵary personal bolýy kerek. Materıaldyq-tehnıkalyq bazalary bolýy kerek. Bizde qazirgi tańda 6 600 lıfti bar. Turǵyn úılerde shamamen 4 900 lıft bar. Bul úlken sharýashylyq», - deıdi ol.
Isekeshevtiń aıtýynsha, lıftilerdiń qaýipsizdigin burynǵydan qatal qaraý kerek.
«Qazirge deıin prokýratýramen lıftilerdiń paıdalanylýy týraly jospardan tys tekserýler júrgizý jóninde algorıtm ázirledik. Bizdiń esepteýimizshe, bul tájirıbesi joq kompanııalar erkeleıtindeı sala emes. Álbette, erkeliktiń esh jerde reti joq. Adamdardyń qaýipsizdigine qatysty jerde tek jaýapty kompanııalar ǵana jumys isteý kerek. Árbir PIK jaýapty bolady. Sondyqtan, qaladaǵy aýdan ákimderiniń jaýapty orynbasarlaryna bizdiń áriptestermen birge, ózge de organdarmen lıftilerdi paıdalanýdyń qaýipsizdigin kúsheıtýdi tapsyramyn. Barlyq 67 lıftilik uıymdardyń jumysy tekserilýi tıis. Anyq buzýshylyqtar anyqtalǵan jaǵdaıda ІІD-ge, Memlekettik kirister departamentine habar beremiz», - dedi qala ákimi.
