Lıfti kóp adamdy kótere almaǵan - Almaty ákimdigi
ALMATY. QazAqparat - Almatyda bolǵan tótenshe jaǵdaıǵa baılanysty qalalyq Turǵyn úı jáne turǵyn úı ınspektsııasy oqys oqıǵanyń yqtımal sebepterin aıtty, dep habarlaıdy QazAqparat tilshisi.
Basqarmanyń habarlaýynsha, 7 tamyzda tańǵy 9:00-de «Almaty lıft» JShS dıspetcherlik qyzmetine tótenshe jaǵdaı týraly habarlama túsken.
«Kezekshi lıfterlar 9:10-da lıftiniń 4-5 qabattar arasynda tym kóp salmaqty kótere almaı toqtaǵanyn anyqtaǵan. Bul kúni adamdy jerleý sharasy bolyp jatqandyqtan, qaıtqan adamdy lıftimen túsirmek bolǵan. Apatty jaǵdaı bolǵan soń turǵyndardyń ózderi qolda bar quraldarymen kabına jáne shahta esikterin buzbaq bolǵan. Jolaýshylar kabınadan lıfterlerge habarlaspaǵan. Sondaı-aq, lıftimen júrý týraly erejeni oqymaǵan. Jolaýshylardyń biri sekirip shyqpaq bolǵanda, lıft shahtasyna qulap ketken», - dedi basqarmadan.
Qazirgi tańda «Almaty Lıft» JShS bolǵan oqıǵa týraly Alataý aýdandyq ІІB habarlap úlgerdi.
Aıta ketý kerek, qaıǵyly oqıǵa 7 tamyzda «Aqbulaq» turǵyn úı kesheninde bolǵan. 34 jastaǵy jigit lıft shahtasyna abaısyzda qulap ketip, aýyr jaraqat aldy. Dárigerlerdiń aıtýynsha, onyń 7 qabyrǵasy, bel omyrtqasy synǵan, kókbaýyryna zaqym kelgen.
