Lıftide pyshaq jaraqatyn alǵan astanalyq bala ońaltýǵa jatqyzylady
ASTANA. KAZINFORM — Elordada 5 jasar balany lıftiniń ishinde psıhıkalyq aýytqýy bar jasóspirim pyshaqtaǵan edi. Bala aýrýhanada jedel em alyp shyqty, endi ońaltý ortalyǵyna jiberilmek. Bul aqparatty qalalyq Densaýlyq saqtaý basqarmasy rastady.
— 2025 jylǵy sáýir aıynda ulttyq balalardy ońaltý ortalyǵyna jatqyzý josparlandy, — degen qysqa aqparat aldyq qalalyq basqarmadan.
Eske sala keteıik, bıyl 11 aqpanda elordada jasóspirim lıfti ishinde balany pyshaqtap tastaǵan edi. Keıin belgili bolǵandaı pyshaqpen shabýyldaǵan jasóspirim arnaıy esepte turǵan.
Dárigerler zardap shekken balaǵa dereý ota jasap, psıhologııalyq kómek kórsetti.
Qazir balany pyshaqtaǵan jasóspirim psıhıatrııalyq statsıonarda otyr.
Densaýlyq saqtaý mınıstriniń orynbasary Erjan Nurlybaev jasóspirimniń ortaǵa beıim jaǵdaıda bolǵanyn aıtty.
Sondaı-aq keıin anyqtalǵandaı lıftide balany pyshaqtaǵan jasóspirimdi jalǵyzbasty ana tárbıelep otyrǵany belgili boldy.
Aıta ketsek, elordada kópqabatty turǵyn úılerdiń birinde lıftide balany pyshaqtaǵan jasóspirimniń anasy psıhıkalyq densaýlyq ortalyǵynda ulyn urǵany týraly polıtsııaǵa shaǵym túsirgen edi.
Keıin Densaýlyq saqtaý mınıstri Aqmaral Álnazarova elordada lıftide balany pyshaqtaǵan jasóspirimdi urdy degen faktige qatysty túsinik berdi.
Іshki ister mınıstriniń orynbasary lıftide balany pyshaqtaǵan jasóspirimniń isi bir aı ishinde sotqa jiberý josparda baryn aıtty.
Taıaýda ǵana lıftide balany pyshaqtaǵan jasóspirim isine qatysty taǵy bir qylmystyq is qozǵaldy.