Lıftide balany pyshaqtaǵan jasóspirimdi jalǵyzbasty ana tárbıelep otyr

ASTANA. KAZINFORM — Elordada 5 jasar balany lıfti ishinde pyshaqtaǵan jasóspirimdi jalǵyzbasty ana tárbıelegen. Bul týraly Májilis depýtaty Tańsáýle Serikov málim etti.

— Elimizde 200 myńnan astam psıhıkalyq aýytqýy bar adam bar, onyń 28 myńy bala. Lıftide bolǵan jaǵdaı boıynsha aıtaıyn, ol jalǵyzbasty ana, qamqorshy retinde alatyn aqysy 60 myń teńge, balasynyń ekinshi toptaǵy múgedektigi retinde alatyn járdemaqysy 80 myń teńge. Ol jumys isteýge balasynyń syrtynan jaýyp ketti, al balanyń oıynda ne boldy, ol jasóspirim ábden daıyndaldy, pyshaqtyń sabyn paketpen orady, jaqsylap kıindi, balanyń betinen urdy. Oǵan ne dep aıtasyń?, — dedi Tańsáýle Serikov Májilis qabyrǵasynda.

Halyq qalaýlysynyń málimetinshe, bıyl 12 myń múgedek jan anyqtaldy, onyń ishinde 10 myń bala bar, sonyń ishinde 6 myń bala aýtızmge shaldyqqan. 

Búgin Májilistiń Áleýmettik-mádenı damý komıtetinde psıhologııa qyzmetiniń problemalary men sheshý joldary qaraldy. 

Aıta keteıik, elimizde psıhologııalyq qyzmet týraly arnaıy zań jobasy qolǵa alyndy.  

Eske sala ketsek, elordada jasóspirim lıfti ishinde balany pyshaqtap tastaǵan edi. Keıin belgili bolǵandaı pyshaqpen shabýyldaǵan jasóspirim arnaıy esepte turǵan.

Dárigerler zardap shekken balaǵa dereý ota jasap, psıhologııalyq kómek kórsetti.

Qazir balany pyshaqtaǵan jasóspirim psıhıatrııalyq statsıonarda.