Lıdııa Chernega: Alǵys aıtý kúni – meıirim, dostyq pen súıispenshiliktiń jarqyn merekesi
1 naýryzda árbir qazaqstandyq erekshe júrek jylýlyǵymen Alǵys kúnin atap ótedi.
Elimizdiń Tuńǵysh Prezıdenti Nursultan Nazarbaev belgilegen bul mereke bizdiń tarıhı esteligimizdiń sımvolyna aınaldy.
Bir-birimizge beıbitshilik, turaqtylyq, ózara túsinistik pen qoldaý úshin alǵys aıtamyz.
Elbasy Alǵys aıtý kúnin atap ótý kezinde «Bul kún barlyq qazaqstandyqtardyń bir-birine degen meıiriminiń, dostyǵy men súıispenshiliginiń jarqyn merekesi bolady» degen bolatyn.
Qazaqstanda júzden astam etnostardyń ókilderi beıbitshilik pen kelisimde ómir súredi jáne olardyń árqaısysy ózderin ortaq kópultty otbasynda týǵan dep sanaıdy.
«Meniń ata-anam Qazaqstanǵa Ýkraınadan 1961 jyly keldi. Bul - tyń ıgerýdiń ekinshi kezeńi edi. Otbasynda bes bala boldyq, sol sebepti alǵashqy jyldary qıyndyqtar boldy. Alty jasymnan bastap, jańa qonystanýshylarǵa sút, baýyrsaq, aıran jáne qaımaq ákelgenderi esimde, kóp uzamaı anam olarmen dostasyp, ómiriniń sońyna deıin dostyqtaryna berik boldy. Biri-qazaq, ekinshisi-tatar, júregi meıirimdi jáne qaıyrymdy kóp balaly áıelder. Bizderge ózderiniń balalary sııaqty qamqorlyq tanytqan olarǵa meniń alǵysym sheksiz», - deıdi Lıdııa Chernega
Búgingi tańda Qazaqstan táýelsiz memleketke aınalyp, ultaralyq kelisim men tatýlyqtyń jarqyn úlgisin kórsetip otyr.
Elimizde túrli etnostar men konfessııalar ókilderiniń beıbit ómir súrýiniń biregeı úlgisi bizdiń basty ıgiligimiz bolady.
Elbasynyń dana saıasatynyń arqasynda barlyq etnostardyń mádenıeti men tilin saqtaý jáne damytý úshin barlyq jaǵdaı jasalǵan.
«Alǵys aıtý kúni qarsańynda men elimizdiń Tuńǵysh Prezıdenti Nursultan Nazarbaevqa jáne qazirgi Prezıdent Qasym-Jomart Toqaevqa shynaıy alǵysymdy bildirgim keledi. Kóp ultty baqytty elde ómir súrip jatqanymyzǵa, bir-birimizge dos bolyp, kómektese alatynymyzǵa, birge ómir súrip, birge ómir súretinimizge rahmet. Meıirimdilik, nemquraılylyq jáne ózara kómek sezimderi bizdiń basty qasıetterimiz bolyp qala bersin. Biz-qazaqstandyqtarmyz jáne biz maqtan tutatyn jáne bir-birimizge «rahmet» aıtatyn nárse bar» dep túıindedi Lıdııa Chernega.
